श्री शंकराची आरती | Shri Shankar Aarti Marathi | Free PDF Download
लवथवती विक्राळा ब्रह्मांडी माळा ।
वीषें कंठ काळा त्रिनेत्रीं ज्वाळा ।
लावण्यसुंदर मस्तकी बाळा।
तेथुनिया जळ निर्मळ वाहे झुळझुळां ।।1।।
जय देव जय देव जय श्रीशंकरा ।
आरती ओवाळू तूज कर्पुरगौरा ।।धृ.।।
कर्पुरगौरा भोळा नयनी विशाळा ।
अर्धांगी पार्वती सुमनांच्या माळा ।
विभूतीचें उधळण शितिकंठनीळा ।
ऐसा शंकर शोभे उमावेल्हाळा ।।2।।
देवी दैत्यीं सागरमंथन पै केले ।
त्यामाजी अवचित हळहळ जें उठिलें ।
तें त्वां असुरपणें प्राशन केलें ।
‘नीलकंठ’ नाम प्रसिद्ध झाले ।।3।।
व्याघ्रांबर- फणिवरधर सुंदर मदनारी ।
पंचानन मनमोहन मुनिजनसुखकारी ।
शतकोटींचे बीज वाचे उच्चारी ।
रघुकुळटिळक रामदासाअंतरी ।।4।।
