Sign In

Panchayudha Stotram Telugu | Free PDF Download

Panchayudha Stotram Telugu | Free PDF Download

Reading Time: < 1 minute

స్ఫురత్సహస్రారశిఖాతితీవ్రం
సుదర్శనం భాస్కరకోటితుల్యమ్ |
సురద్విషాం ప్రాణవినాశి విష్ణోః
చక్రం సదాహం శరణం ప్రపద్యే || ౧ ||

విష్ణోర్ముఖోత్థానిలపూరితస్య
యస్య ధ్వనిర్దానవదర్పహంతా |
తం పాంచజన్యం శశికోటిశుభ్రం
శంఖం సదాహం శరణం ప్రపద్యే || ౨ ||

హిరణ్మయీం మేరుసమానసారాం
కౌమోదకీం దైత్యకులైకహంత్రీమ్ |
వైకుంఠవామాగ్రకరాగ్రమృష్టాం
గదాం సదాహం శరణం ప్రపద్యే || ౩ ||

యజ్జ్యానినాదశ్రవణాత్సురాణాం
చేతాంసి నిర్ముక్తభయాని సద్యః |
భవంతి దైత్యాశనిబాణవర్షైః
శార్ఙ్గం సదాహం శరణం ప్రపద్యే || ౪ ||

రక్షోఽసురాణాం కఠినోగ్రకంఠ-
-చ్ఛేదక్షరత్‍క్షోణిత దిగ్ధసారమ్ |
తం నందకం నామ హరేః ప్రదీప్తం
ఖడ్గం సదాహం శరణం ప్రపద్యే || ౫ ||

ఇమం హరేః పంచమహాయుధానాం
స్తవం పఠేద్యోఽనుదినం ప్రభాతే |
సమస్త దుఃఖాని భయాని సద్యః
పాపాని నశ్యంతి సుఖాని సంతి || ౬ ||

వనే రణే శత్రు జలాగ్నిమధ్యే
యదృచ్ఛయాపత్సు మహాభయేషు |
పఠేత్విదం స్తోత్రమనాకులాత్మా
సుఖీభవేత్తత్కృత సర్వరక్షః || ౭ ||

అధిక శ్లోకాః

యచ్చక్రశంఖం గదఖడ్గశార్ఙ్గిణం
పీతాంబరం కౌస్తుభవత్సలాంఛితమ్ |
శ్రియాసమేతోజ్జ్వలశోభితాంగం
విష్ణుం సదాఽహం శరణం ప్రపద్యే ||

జలే రక్షతు వారాహః స్థలే రక్షతు వామనః |
అటవ్యాం నారసింహశ్చ సర్వతః పాతు కేశవః ||

ఇతి శ్రీ పంచాయుధ స్తోత్రం ||